معروف دہلوی کی شاعری

درد سر میں ہے کسے صندل لگانے کا دماغ

اس کا گھسنا اور لگانا درد سر یہ بھی تو ہے

ہوا کے گھوڑے پہ جب وہ سوار ہوتے ہیں

تو پا کے وقت میں کیا کیا مزے اڑاتا ہوں

تیری آنکھوں کے تصور میں ہے سیر کونین

ورنہ ہم لوگ ادھر کے ادھر ہو کے رہتے

کعبہ و دیر کو اپنا تو یہیں سے ہے سلام

در بدر کون پھرے یار کے در کے ہوتے

ساقیا مے کہاں ہے شیشے میں

روشنی آفتاب کی سی ہے

مذکور جبکہ تیرے تبسم کا آ پڑا

گلشن میں طفل غنچۂ دل کھلکھلا پڑا

اشک و لخت جگر آنکھوں سے رواں ہیں ؔمعروف

اب کوئی لعل چنے یا در مشہور چنے

غفلت میں جوانی گئی پیری میں ہوا ہوش

کیوں کر نہ کھلے آنکھ سحر ہی تو ہے آخر

سب لگے اس بت کو سجدہ کرنے اے ؔمعروف آہ

کل جدھر ماتھے پہ وہ قشقہ سدھارا کھینچ کر

بولے وہ اپنی شکل کو آپ آئنہ میں دیکھ

دریا کے پار اور گلستاں ہے دوسرا

میں ہی نہیں ہوں شیفتۂ حسن گندمی

آگے سے ہوتی آئی ہے آدم کو دیکھیے

یہاں تو داغ‌ خوں دامن سے دھویا تو نے اے قاتل

وہاں اک دن کھلے گا گل ہماری بے گناہی کا

ہے دل میں زلف یار کے عالم کو دیکھیے

پھنستے ہیں آپ دام میں ہم ہم کو دیکھیے

سنتے ہی ہو کے ہم آغوش کہا ہنس کے تجھے

درد دل کی ہے دوا اور بھی درکار کہ بس

کیوں نہ مٹی خراب ہو اپنی

اس خرابات کی بنا ہیں ہم

میں نے آہیں بھریں تو رک کے کہا

گھر میں دھونی سی کیا لگا دی ہے

آنکھ ٹک موندنے دے حیرت عشق

ایسی میں ٹکٹکی سے در گزرا

معروف دہلوی

تمام

تعارف

ای-کتاب4

شعر17

غزل21

ای-کتاب4

معروف دہلوی کے اشعار

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books