زندگی دی ہے تو جینے کا ہنر بھی دینا

پاؤں بخشیں ہیں تو توفیق سفر بھی دینا

ہمیں پڑھاؤ نہ رشتوں کی کوئی اور کتاب

پڑھی ہے باپ کے چہرے کی جھریاں ہم نے

آج بھی گاؤں میں کچھ کچے مکانوں والے

گھر میں ہمسائے کے فاقہ نہیں ہونے دیتے

مجھ کو تھکنے نہیں دیتا یہ ضرورت کا پہاڑ

میرے بچے مجھے بوڑھا نہیں ہونے دیتے

تیرے بارے میں جب سوچا نہیں تھا

میں تنہا تھا مگر اتنا نہیں تھا

یوں ہوا پھر بند کر لیں اس نے آنکھیں ایک دن

وہ سمجھ لیتا تھا دل کا حال چہرہ دیکھ کر

شاعری میں میرؔ و غالبؔ کے زمانہ اب کہاں

شہرتیں جب اتنی سستی ہوں ادب دیکھے گا کون

جو کہہ رہے تھے کہ جینا محال ہے تم بن

بچھڑ کے مجھ سے وہ دو دن اداس بھی نہ رہے

پیاس کہتی ہے چلو ریت نچوڑی جائے

اپنے حصے میں سمندر نہیں آنے والا