āvāzoñ kī bhiiḌ meñ itne shor-sharābe meñ

apnī bhī ik raa.e rakhnā kitnā mushkil hai

aawazon ki bhiD mein itne shor-sharabe mein

apni bhi ek rae rakhna kitna mushkil hai

diye ab shahr meñ raushan nahīñ haiñ

havā kī hukmarānī ho ga.ī kyā

diye ab shahr mein raushan nahin hain

hawa ki hukmarani ho gai kya

hudūd-e-vaqt ke darvāze muntazir haiñ 'nasīm'

ki tū ye fāsle kar ke ubuur dastak de

hudud-e-waqt ke darwaze muntazir hain 'nasim'

ki tu ye fasle kar ke ubur dastak de

kabhī to sard lagā dopahar kā sūraj bhī

kabhī badan ke liye ik kiran ziyāda huī

kabhi to sard laga dopahar ka suraj bhi

kabhi badan ke liye ek kiran ziyaada hui

lafz bhī jis ahd meñ kho baiThe apnā e'tibār

ḳhāmushī ko is meñ kitnā mo'tabar maiñ ne kiyā

lafz bhi jis ahd mein kho baiThe apna e'tibar

KHamushi ko is mein kitna mo'tabar main ne kiya