pyaas ko pyaar karnā thā keval

ek akhshar badal na paa.e ham

pyas ko pyar karna tha kewal

ek akhshar badal na pae hum

bhulā diyā hai jo tū ne to kuchh malāl nahīñ

ka.ī dinoñ se mujhe bhī tirā ḳhayāl nahīñ

bhula diya hai jo tu ne to kuchh malal nahin

kai dinon se mujhe bhi tera KHayal nahin

baġhair pūchhe mire sar meñ bhar diyā maz.hab

maiñ roktā bhī to kaise ki maiñ to bachcha thā

baghair puchhe mere sar mein bhar diya mazhab

main rokta bhi to kaise ki main to bachcha tha

mirā saaya mire bas meñ nahīñ hai

magar duniyā pe daavā kar rahā huuñ

mera saya mere bas mein nahin hai

magar duniya pe dawa kar raha hun

kis ko fursat hai jo harfoñ kī harārat samjhā.e

baat āsānī tak aa.e to sabhī tak pahuñche

kis ko fursat hai jo harfon ki hararat samjhae

baat aasani tak aae to sabhi tak pahunche

baiThe-baiThe kā safar sirf hai ḳhvāboñ kā futūr

jism darvāze tak aa.e to galī tak pahuñche

baiThe-baiThe ka safar sirf hai KHwabon ka futur

jism darwaze tak aae to gali tak pahunche

ab havāoñ ke daam khulne haiñ

ḳhushbuoñ kā to ho chukā saudā

ab hawaon ke dam khulne hain

KHushbuon ka to ho chuka sauda

ham to us ke zehn kī uryāniyoñ par mar miTe

daad agarche de rahe haiñ jism aur poshāk par

hum to us ke zehn ki uryaniyon par mar miTe

dad agarche de rahe hain jism aur poshak par

na.e safar kā har ik moḌ bhī nayā thā magar

har ek moḌ pe koī sadā.eñ detā thā

nae safar ka har ek moD bhi naya tha magar

har ek moD pe koi sadaen deta tha

parsoñ maiñ bāzār gayā thā darpan lene kī ḳhātir

kyā bolūñ dūkān pe hī maiñ sharm ke maare gaḌ baiThā

parson main bazar gaya tha darpan lene ki KHatir

kya bolun dukan pe hi main sharm ke mare gaD baiTha

kuchh bhañvar yuuñ uchaT paḌe the jyuuñ

ḳhud-kushī par ho koī āmāda

kuchh bhanwar yun uchaT paDe the jyun

KHud-kushi par ho koi aamada