گھٹن تڑپن اداسی اشک رسوائی اکیلا پن

بغیر ان کے ادھوری عشق کی ہر اک کہانی ہے

سوچتا ہوں یہ سوچ کر میں اسے

وہ بھی ایسے ہی سوچتا ہے مجھے

گر نہ سمجھا تو نیرجؔ لگے گی کٹھن

زندگی کو جو سمجھا تو آسان ہے

مشکلوں میں مسکرانا سیکھئے

پھول بنجر میں اگانا سیکھئے

عجب یہ دور آیا ہے کہ جس میں

غلط کچھ بھی نہیں سب کچھ سہی ہے

تم سے مل کر دیر تلک

اچھی لگتی تنہائی

ہے جن کے بازوؤں میں دم وہ دریا پار کر لیں گے

بہت ممکن ہے ڈوبیں وہ جو بیٹھے ہیں سفینے میں

مجھے راس ویرانیاں آ گئی ہیں

تری یاد بھی اب ستاتی نہیں ہے

ڈال دیں بھوکے کو جس میں روٹیاں

وہ سمجھ پوجا کی تھالی ہو گئی