Shayari of Rajab Ali Beg Suroor

Sher of Rajab Ali Beg Suroor

ab hai duā ye apnī har shaam har sahar ko

yā vo badan se lipTe yā jaan tan se nikle

ab hai dua ye apni har sham har sahar ko

ya wo badan se lipTe ya jaan tan se nikle

nādān kah rahe haiñ jise āftāb-e-hashr

zarra hai us ke rū-e-daraḳhshāñ ke sāmne

nadan kah rahe hain jise aaftab-e-hashr

zarra hai us ke ru-e-daraKHshan ke samne

lāzim hai soz-e-ishq kā sho.ala ayaañ na ho

jal bujhiye is tarah se ki mutlaq dhuāñ na ho

lazim hai soz-e-ishq ka shoala ayan na ho

jal bujhiye is tarah se ki mutlaq dhuan na ho

kyā yahī thī shart kuchh insāf kī ai tund-ḳhū

jo bhalā ho aap se us se burā.ī kījiye

kya yahi thi shart kuchh insaf ki ai tund-KHu

jo bhala ho aap se us se burai kijiye

dam-e-takfīn bhī gar yaar aave

to nikleñ haath bāhar ye kafan se

dam-e-takfin bhi gar yar aawe

to niklen hath bahar ye kafan se

na pahuñchā gosh tak ik tere haihāt

hazāroñ naala niklā is dahan se

na pahuncha gosh tak ek tere haihat

hazaron nala nikla is dahan se