muddatoñ baad uThā.e the purāne kāġhaz

saath tere mirī tasvīr nikal aa.ī hai

muddaton baad uThae the purane kaghaz

sath tere meri taswir nikal aai hai

log karte haiñ ḳhvāb kī bāteñ

ham ne dekhā hai ḳhvāb āñkhoñ se

log karte hain KHwab ki baaten

hum ne dekha hai KHwab aankhon se

ḳhvāboñ se na jaao ki abhī raat bahut hai

pahlū meñ tum aao ki abhī raat bahut hai

KHwabon se na jao ki abhi raat bahut hai

pahlu mein tum aao ki abhi raat bahut hai

ye kaisī siyāsat hai mire mulk pe haavī

insān ko insāñ se judā dekh rahā huuñ

ye kaisi siyasat hai mere mulk pe hawi

insan ko insan se juda dekh raha hun

zulf kī shaam sub.h chehre kī

yahī mausam janāb de diije

zulf ki sham subh chehre ki

yahi mausam janab de dije

phir laa.ī hai barsāt tirī yaad kā mausam

gulshan meñ nayā phuul khilā dekh rahā huuñ

phir lai hai barsat teri yaad ka mausam

gulshan mein naya phul khila dekh raha hun

jī bhar ke tumheñ dekh luuñ taskīn ho kuchh to

mat sham.a bujhāo ki abhī raat bahut hai

ji bhar ke tumhein dekh lun taskin ho kuchh to

mat shama bujhao ki abhi raat bahut hai

ruḳh un kā kahīñ aur nazar aur taraf hai

kis samt se aatī hai qazā dekh rahā huuñ

ruKH un ka kahin aur nazar aur taraf hai

kis samt se aati hai qaza dekh raha hun