kaise ho kyā hai haal mat pūchho

mujh se mushkil savāl mat pūchho

kaise ho kya hai haal mat puchho

mujh se mushkil sawal mat puchho

ik vahī shaḳhs mujh ko yaad rahā

jis ko samjhā thā bhuul jā.ūñgā

ek wahi shaKHs mujh ko yaad raha

jis ko samjha tha bhul jaunga

jhūTī ummīd kī uñglī ko pakaḌnā chhoḌo

dard se baat karo dard se laḌnā chhoḌo

jhuTi ummid ki ungli ko pakaDna chhoDo

dard se baat karo dard se laDna chhoDo

koī shai ek sī nahīñ rahtī

umr Dhaltī hai ġham badalte haiñ

koi shai ek si nahin rahti

umr Dhalti hai gham badalte hain

jab ye maanā ki dil meñ Dar hai bahut

tab kahīñ jā ke dil se Dar niklā

jab ye mana ki dil mein Dar hai bahut

tab kahin ja ke dil se Dar nikla