ہم تو کہتے ہیں محبت میں مزا ہے ہی نہیں

آپ کہتے ہیں تو پھر مان لیا جاتا ہے

اور بھٹکیں گے تو کچھ اور نیا دیکھیں گے

ہم تو آوارہ پرندے ہیں ہمارا کیا ہے

پاگل وحشی تنہا تنہا اجڑا اجڑا دکھتا ہوں

کتنے آئینے بدلے ہیں میں ویسے کا ویسا ہوں

بناتا ہوں میں تصور میں اس کا چہرہ مگر

ہر ایک بار نئی کائنات بنتی ہے

آج پھر خود سے خفا ہوں تو یہی کرتا ہوں

آج پھر خود سے کوئی بات نہیں کرتا میں

میرا پنجرہ کھول دیا ہے تم بھی عجیب شکاری ہو

اپنے ہی پر کاٹ لیے ہیں میں بھی عجیب پرندہ ہوں

اب تو میں اور بھی برا ہوں کہ

اب زیادہ سدھر گیا ہوں میں

تجھے گلے سے لگا کے بھی دیکھا جائے گا

ابھی تو مجھ کو ترا انتظار کرنا ہے

یوں اپنے آپ کو برباد کرتا ہے کوئی

اے میرے دل تو سمجھ دار ہے نہیں ہے کیا

تم نے تو آپ ہی پنجرے کو کھلا چھوڑ دیا

کوئی ایسے بھی پرندوں کو رہا کرتا ہے

حسن ہوتا ہے کسی شے کا کوئی اپنا ہی

اور پھر دیکھنے والے کی نظر ہوتی ہے

خوب مشکل ہے پر آسان لیا جاتا ہے

کتنا ہلکے میں یہ انسان لیا جاتا ہے

آپ نے اس کے فسانے ہی سنے ہوتے ہیں

اور اچانک یہ بلا آپ کے سر ہوتی ہے

مجھ سے کہتے نہیں بنتا کہ ستم کم کیجے

پھر نہ ایسا ہو کسی روز مرا غم کیجے