ajnabī ḳhushbū kī aahaT se mahak uTThā badan

qahqahoñ ke lams se ḳhauf-e-ḳhizāñ raushan huā

ajnabi KHushbu ki aahaT se mahak uTTha badan

qahqahon ke lams se KHauf-e-KHizan raushan hua

darīda-jaib garebāñ bhī chaak chāhtā hai

vo ishq kyā hai jo dāman ko paak chāhtā hai

darida-jaib gareban bhi chaak chahta hai

wo ishq kya hai jo daman ko pak chahta hai

gumān hotā hai mujh ko tumhāre aane kā

havā idhar se dabe paañv jab guzartī hai

guman hota hai mujh ko tumhaare aane ka

hawa idhar se dabe panw jab guzarti hai

ham bhī kahne lage haiñ raat ko raat

ham bhī goyā ḳharāb hone lage

hum bhi kahne lage hain raat ko raat

hum bhi goya KHarab hone lage

'zakī' hamārā muqaddar haiñ dhuup ke ḳheme

hameñ na raas kabhī aayā sā.ebān koī

'zaki' hamara muqaddar hain dhup ke KHeme

hamein na ras kabhi aaya saeban koi