bechainī ke lamhe sāñseñ patthar kī

sadiyoñ jaise din haiñ rāteñ patthar kī

bechaini ke lamhe sansen patthar ki

sadiyon jaise din hain raaten patthar ki

ab zamīñ par qadam nahīñ Tikte

āsmāñ par uqaab dekhā hai

ab zamin par qadam nahin Tikte

aasman par uqab dekha hai

khīñch lī thī ik lakīr-e-nā-rasā ḳhud darmiyāñ

fāsla-dar-fāsla-dar-fāsla honā hī thā

khinch li thi ek lakir-e-na-rasa KHud darmiyan

fasla-dar-fasla-dar-fasla hona hi tha

sadiyoñ ke baad hosh meñ jo aa rahā huuñ maiñ

lagtā hai pahle jurm ko dohrā rahā huuñ maiñ

sadiyon ke baad hosh mein jo aa raha hun main

lagta hai pahle jurm ko dohra raha hun main