abhī to us kā koī tazkira huā bhī nahīñ

abhī se bazm meñ ḳhushbū kā raqs jaarī hai

abhi to us ka koi tazkira hua bhi nahin

abhi se bazm mein KHushbu ka raqs jari hai

har naġhma-e-pur-dard har ik saaz se pahle

hañgāma bapā hotā hai āġhāz se pahle

har naghma-e-pur-dard har ek saz se pahle

hangama bapa hota hai aaghaz se pahle

meñ iztirāb ke aalam meñ raqs kartā rahā

kabhī ġhubār kī sūrat kabhī dhuāñ ban kar

mein iztirab ke aalam mein raqs karta raha

kabhi ghubar ki surat kabhi dhuan ban kar

tū jugnū hai faqat rātoñ ke dāman meñ baserā kar

maiñ sūraj huuñ tū mujh se āshnā.ī kar nahīñ saktā

tu jugnu hai faqat raaton ke daman mein basera kar

main suraj hun tu mujh se aashnai kar nahin sakta

yādoñ ke nasheman ko jalāyā to nahīñ hai

ham ne tujhe is dil se bhulāyā to nahīñ hai

yaadon ke nasheman ko jalaya to nahin hai

hum ne tujhe is dil se bhulaya to nahin hai