chāñdnī meñ sāya-hā-e-kāḳh-o-kū meñ ghūmiye

phir kisī ko chāhne kī aarzū meñ ghūmiye

chandni mein saya-ha-e-kaKH-o-ku mein ghumiye

phir kisi ko chahne ki aarzu mein ghumiye

kyā ruup dostī kā kyā rañg dushmanī kā

koī nahīñ jahāñ meñ koī nahīñ kisī kā

kya rup dosti ka kya rang dushmani ka

koi nahin jahan mein koi nahin kisi ka

merī mānind ḳhud-nigar tanhā

ye surāhī meñ phuul nargis kā

meri manind KHud-nigar tanha

ye surahi mein phul nargis ka

tire ḳhayāl ke pahlū se uTh ke jab dekhā

mahak rahā thā zamāne meñ chār-sū tirā ġham

tere KHayal ke pahlu se uTh ke jab dekha

mahak raha tha zamane mein chaar-su tera gham

zindagī kī rāhateñ miltī nahīñ miltī nahīñ

zindagī kā zahr pī kar justujū meñ ghūmiye

zindagi ki rahaten milti nahin milti nahin

zindagi ka zahr pi kar justuju mein ghumiye