نہ چارہ گر کی ضرورت نہ کچھ دوا کی ہے

دعا کو ہاتھ اٹھاؤ کہ غم کی رات کٹے

اس بھری دنیا میں کوئی بھی ہمارا نہ ہوا

غیر تو غیر ہیں اپنوں کا سہارا نہ ہوا

اک محبت کے سوا اور نہ کچھ مانگا تھا

کیا کریں یہ بھی زمانے کو گوارا نہ ہوا

مرجھا چکا ہے پھر بھی یہ دل پھول ہی تو ہے

اب آپ کی خوشی اسے کانٹوں میں تولیے

ہمیں واسطہ تڑپ سے ہمیں کام آنسوؤں سے

تجھے یاد کر کے روئے یا تجھے بھلا کے روئے

اک چھوٹا سا تھا میرا آشیاں

آج تنکے سے الگ تنکا ہوا

لوگ رو رو کے بھی اس دنیا میں جی لیتے ہیں

ایک ہم ہیں کہ ہنسے بھی تو گزارا نہ ہوا

یہ نازک لب ہیں یا آپس میں دو لپٹی ہوئی کلیاں

ذرا ان کو الگ کر دو ترنم پھوٹ جائیں گے

نہ جھٹکو زلف سے پانی یہ موتی ٹوٹ جائیں گے

تمہارا کچھ نہ بگڑے گا مگر دل ٹوٹ جائیں گے