ab kaise charāġh kyā charāġhāñ

jab saarā vajūd jal rahā hai

ab kaise charagh kya charaghan

jab sara wajud jal raha hai

do bādal aapas meñ mile the phir aisī barsāt huī

jism ne jism se sargoshī kī ruuh kī ruuh se baat huī

do baadal aapas mein mile the phir aisi barsat hui

jism ne jism se sargoshi ki ruh ki ruh se baat hui

ham itne pareshāñ the ki hāl-e-dil-e-sozāñ

un ko bhī sunāyā ki jo ġham-ḳhvār nahīñ the

hum itne pareshan the ki haal-e-dil-e-sozan

un ko bhi sunaya ki jo gham-KHwar nahin the

ham rūh-e-safar haiñ hameñ nāmoñ se na pahchān

kal aur kisī naam se aa jā.eñge ham log

hum ruh-e-safar hain hamein namon se na pahchan

kal aur kisi nam se aa jaenge hum log

mujh ko paanā hai to phir mujh meñ utar kar dekho

yuuñ kināre se samundar nahīñ dekhā jaatā

mujh ko pana hai to phir mujh mein utar kar dekho

yun kinare se samundar nahin dekha jata