aainon mein aks bin kar jin ke paikar aa gae

ā.inoñ meñ aks bin kar jin ke paikar aa ga.e

halqa-e-tanhā.ī se vo log bāhar aa ga.e

sā.ebāñ ne tapte sūraj se milā.ī kyā nazar

an-ginat sūraj mire kamre ke andar aa ga.e

qaiñchiyoñ ko phir na.e sar se mileñge mashġhale

phir uḌānoñ ke liye baazū meñ shahpar aa ga.e

vahshatoñ kī daad ko muhtāj hī rahte magar

is havelī se guzarnā thā ki patthar aa ga.e

mish.al-e-rāh-e-mohabbat haiñ mire naqsh-e-qadam

jin pe chal kar manziloñ tak aaj rahbar aa ga.e

ishq kī pābandiyāñ bekār ho kar rah ga.iiñ

ham tasavvur meñ kisī ke hoñT chhū kar aa ga.e

aa.ine alfāz ke 'sultān' karte haiñ kamāl

bal jabīnoñ par paḌe hāthoñ meñ ḳhanjar aa ga.e

aainon mein aks bin kar jin ke paikar aa gae

halqa-e-tanhai se wo log bahar aa gae

saeban ne tapte suraj se milai kya nazar

an-ginat suraj mere kamre ke andar aa gae

qainchiyon ko phir nae sar se milenge mashghale

phir uDanon ke liye bazu mein shahpar aa gae

wahshaton ki dad ko muhtaj hi rahte magar

is haweli se guzarna tha ki patthar aa gae

mishal-e-rah-e-mohabbat hain mere naqsh-e-qadam

jin pe chal kar manzilon tak aaj rahbar aa gae

ishq ki pabandiyan bekar ho kar rah gain

hum tasawwur mein kisi ke honT chhu kar aa gae

aaine alfaz ke 'sultan' karte hain kamal

bal jabinon par paDe hathon mein KHanjar aa gae