aanchal jo Dhalakta hai un ka kabhi shanon se
āñchal jo Dhalaktā hai un kā kabhī shānoñ se
paa.el kī sadā aa kar Takrātī hai kānoñ se
apnī hī halākat kā baa.is hue jaate haiñ
jo tiir nikalte haiñ aaj apnī kamānoñ se
ham ne rah-e-ulfat meñ aa kar yahī sīkhā hai
manzil kā pata lenā qadmoñ ke nishānoñ se
ik baar bhī jo sunñā ham ko na gavārā thā
sau baar sunā ham ne duniyā kī zabānoñ se
jis ne kabhī duniyā kī parvā hī nahīñ kī thī
vo 'nāz' se miltā hai ab laakh bahānoñ se
aanchal jo Dhalakta hai un ka kabhi shanon se
pael ki sada aa kar Takraati hai kanon se
apni hi halakat ka bais hue jate hain
jo tir nikalte hain aaj apni kamanon se
hum ne rah-e-ulfat mein aa kar yahi sikha hai
manzil ka pata lena qadmon ke nishanon se
ek bar bhi jo sunna hum ko na gawara tha
sau bar suna hum ne duniya ki zabanon se
jis ne kabhi duniya ki parwa hi nahin ki thi
wo 'naz' se milta hai ab lakh bahanon se
- Book : Nuquush-e-daaG (Pg. 169)
- Author : Sahir Hoshiyarpuri
- Publication : Haryana Urdu Acadami (1992)
- Edition : 1992
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
