ab hum ko nahin dekhne ye KHwab waghaira

ab ham ko nahīñ dekhne ye ḳhvāb vaġhaira

har samt nazar aate haiñ zahrāb vaġhaira

in āñkhoñ se piine ko mayassar hī nahīñ tū

honā hī nahīñ hai hameñ sairāb vaġhaira

mahfil ne tirī apnā bharam tak nahīñ rakkhā

kyā ḳhaak barat.te adab-ādāb vaġhaira

jo dard sahe saarī hiseñ mar ga.iiñ shāyad

ab dil mirā hotā nahīñ betāb vaġhaira

kis samt ko hai kuuch irāda hai kahāñ kā

kyoñ bāñdh ke rakkhe haiñ ye asbāb vaġhaira

chilman kā kaho bahr-e-ḳhudā parda haTā leñ

ab aur nahīñ baaqī tab-o-tāb vaġhaira

is vāste ye ḳhvāb-nagar bas nahīñ paatā

aate haiñ yahāñ roz hī sailāb vaġhaira

ab dhyān tirī samt lagā rahtā hai 'sādiq'

ab mujh se nahīñ hotī koī job vaġhaira

ab hum ko nahin dekhne ye KHwab waghaira

har samt nazar aate hain zahrab waghaira

in aankhon se pine ko mayassar hi nahin tu

hona hi nahin hai hamein sairab waghaira

mahfil ne teri apna bharam tak nahin rakkha

kya KHak baratte adab-adab waghaira

jo dard sahe sari hisen mar gain shayad

ab dil mera hota nahin betab waghaira

kis samt ko hai kuch irada hai kahan ka

kyon bandh ke rakkhe hain ye asbab waghaira

chilman ka kaho bahr-e-KHuda parda haTa len

ab aur nahin baqi tab-o-tab waghaira

is waste ye KHwab-nagar bas nahin pata

aate hain yahan roz hi sailab waghaira

ab dhyan teri samt laga rahta hai 'sadiq'

ab mujh se nahin hoti koi job waghaira