ab ki rukna ya kisi samt mein chalna hoga

ab ki ruknā yā kisī samt meñ chalnā hogā

dil ne chāhā thā to dil hī ko sañbhalnā hogā

ḳhvāb ban kar mirī āñkhoñ meñ utarne vaale

she'r ban kar tire hoñToñ pe machalnā hogā

zindagī jin pe mire saath huā kartī thī

haa.e un rastoñ pe ab tanhā Tahalnā hogā

vo mire sāmne hai aañkh nahīñ lag saktī

niiñd ko aaj kī shab ḳhud hī bahalnā hogā

āḳhirī baat zarā pahle agar kar lete

duur jaanā hai to phir jaldī nikalnā hogā

aarzū terī sabhī bāteñ nahīñ chal saktīñ

vaqt ke saath tujhe thoḌā badalnā hogā

ab ki rukna ya kisi samt mein chalna hoga

dil ne chaha tha to dil hi ko sanbhalna hoga

KHwab ban kar meri aankhon mein utarne wale

she'r ban kar tere honTon pe machalna hoga

zindagi jin pe mere sath hua karti thi

hae un raston pe ab tanha Tahalna hoga

wo mere samne hai aankh nahin lag sakti

nind ko aaj ki shab KHud hi bahalna hoga

aaKHiri baat zara pahle agar kar lete

dur jaana hai to phir jaldi nikalna hoga

aarzu teri sabhi baaten nahin chal saktin

waqt ke sath tujhe thoDa badalna hoga