ab to socha hai nai rah nikali jae

ab to sochā hai na.ī raah nikālī jaa.e

apne dushman kī taraf phūloñ kī Daalī jaa.e

buz-diloñ ke liye duniyā meñ nahīñ gunjā.ish

terī jur.at kā koī vaar na ḳhālī jaa.e

kyoñ na guftār se talvār kā masraf le leñ

kyoñ har ik baat pe shamshīr nikālī jaa.e

haram-o-dair ke sho.aloñ meñ jaleñ ham kab tak

zehn-e-jamhūr meñ ye baat bhī Daalī jaa.e

haram-o-dair ke mābain ho ulfat paidā

kyoñ na aisī koī tarkīb nikālī jaa.e

mas.ala pyaar se hal ho to bahut achchhā hai

ye zarūrī nahīñ shamshīr uThā lī jaa.e

haath meñ teġh laboñ par hai lahū kī surḳhī

dil ke album meñ ye tasvīr sajā lī jaa.e

log hātim ko bhulā deñ jo tumhāre dar se

dil-shikasta na kabhī koī savālī jaa.e

apnī har bhuul ko pāband-e-nadāmat kar ke

āqibat nār-e-jahannam se bachā lī jaa.e

maañ ke qadmoñ meñ hī jannat hai yaqīnan 'ahsan'

baat maañ kī na kisī haal meñ Taalī jaa.e

ab to socha hai nai rah nikali jae

apne dushman ki taraf phulon ki Dali jae

buz-dilon ke liye duniya mein nahin gunjaish

teri jurat ka koi war na KHali jae

kyon na guftar se talwar ka masraf le len

kyon har ek baat pe shamshir nikali jae

haram-o-dair ke shoalon mein jalen hum kab tak

zehn-e-jamhur mein ye baat bhi Dali jae

haram-o-dair ke mabain ho ulfat paida

kyon na aisi koi tarkib nikali jae

masala pyar se hal ho to bahut achchha hai

ye zaruri nahin shamshir uTha li jae

hath mein tegh labon par hai lahu ki surKHi

dil ke album mein ye taswir saja li jae

log hatim ko bhula den jo tumhaare dar se

dil-shikasta na kabhi koi sawali jae

apni har bhul ko paband-e-nadamat kar ke

aaqibat nar-e-jahannam se bacha li jae

man ke qadmon mein hi jannat hai yaqinan 'ahsan'

baat man ki na kisi haal mein Tali jae