abr-e-baran yaad mein uski kab tak roya karna hai

abr-e-bārāñ yaad meñ us kī kab tak royā karnā hai

vaqt batā denā phir mujh ko yaañ pe sahrā karnā hai

tujh ko paane kī ḳhvāhish thī ab tujh ko paane ke ba.ad

ghanToñ baiThe sochā kartā huuñ ke ab kyā karnā hai

ai chārāgar vo aa.e aur maiñ bhī us ko dekh sakūñ

thoḌī bīmārī rakhnī hai thoḌā achchhā karnā hai

ab to aisā hai ki bas tash.hīr zarūrī hai sāhab

dikhlānā hai dariyā dariyā lekin qatra qatra karnā hai

ai ġham ye le dil merā par is pe qabza mushkil hai

so maiñ jaisā kahtā jā.ūñ tujh ko vaisā karnā hai

vaqt to zaayā na hotā jo pahle se ye jānte ham

kis par royā karnā hai aur kitnā royā karnā hai

abr-e-baran yaad mein us ki kab tak roya karna hai

waqt bata dena phir mujh ko yan pe sahra karna hai

tujh ko pane ki KHwahish thi ab tujh ko pane ke baad

ghanTon baiThe socha karta hun ke ab kya karna hai

ai chaaragar wo aae aur main bhi us ko dekh sakun

thoDi bimari rakhni hai thoDa achchha karna hai

ab to aisa hai ki bas tashhir zaruri hai sahab

dikhlana hai dariya dariya lekin qatra qatra karna hai

ai gham ye le dil mera par is pe qabza mushkil hai

so main jaisa kahta jaun tujh ko waisa karna hai

waqt to zaya na hota jo pahle se ye jaante hum

kis par roya karna hai aur kitna roya karna hai