andoh ke mare insan ko har lamha giran ho jata hai

andoh ke maare insāñ ko har lamha girāñ ho jaatā hai

jab Tiis jigar meñ uThtī hai tārīk jahāñ ho jaatā hai

ġhamnāk fazā meñ rakkhī thī buniyād-e-nasheman jab ham ne

ab bād-e-sahar ke chalne par tūfāñ kā gumāñ ho jaatā hai

ye rāh-e-amal hai ai ham-dam dushvārī-e-manzil kyā ma.anī

ḳhāmosh jo ho kar baiTh gayā ġham us kā nishāñ ho jaatā hai

ye baat bhī ab tak ahl-e-chaman mahsūs nahīñ kar paa.e haiñ

jab koī nasheman jaltā hai gulshan meñ dhuāñ ho jaatā hai

ye zabt-e-alam me.arāj sahī pastī se guzarne vāloñ kī

mahkūmī kī hadd-e-fāsil par har zaḳhm zabāñ ho jaatā hai

sayyād qafas ke roz-o-shab pur-kaif sahī lekin aksar

parvāz ke qisse chhiḌte hī dil mahv-e-fuġhāñ ho jaatā hai

hañsne meñ ashk ravāñ honā ye lutf-o-karam un kā hai 'hilāl'

ehsās ke ā.īne meñ magar har zaḳhm zabāñ ho jaatā hai

andoh ke mare insan ko har lamha giran ho jata hai

jab Tis jigar mein uThti hai tarik jahan ho jata hai

ghamnak faza mein rakkhi thi buniyaad-e-nasheman jab hum ne

ab baad-e-sahar ke chalne par tufan ka guman ho jata hai

ye rah-e-amal hai ai ham-dam dushwari-e-manzil kya mani

KHamosh jo ho kar baiTh gaya gham us ka nishan ho jata hai

ye baat bhi ab tak ahl-e-chaman mahsus nahin kar pae hain

jab koi nasheman jalta hai gulshan mein dhuan ho jata hai

ye zabt-e-alam mearaj sahi pasti se guzarne walon ki

mahkumi ki hadd-e-fasil par har zaKHm zaban ho jata hai

sayyaad qafas ke roz-o-shab pur-kaif sahi lekin aksar

parwaz ke qisse chhiDte hi dil mahw-e-fughan ho jata hai

hansne mein ashk rawan hona ye lutf-o-karam un ka hai 'hilal'

ehsas ke aaine mein magar har zaKHm zaban ho jata hai