apna mear juda apna hai kirdar juda

apnā me.aar judā apnā hai kirdār judā

apnā saaqī hai judā sāġhar-o-mai-ḳhvār judā

baḳht apnā hai judā apnā hai dildār judā

shoḳh nazreñ haiñ alag abrū-e-ḳhamdār judā

maiñ zamāne se judā kūcha-o-bāzār judā

merā andāz anokhā mirī raftār judā

bazm meñ maiñ bhī raqīboñ ko jagah detā huuñ

jis tarah gul se kabhī ho na sake ḳhaar judā

aisī barsāt kī rut ham ne na dekhī thī kabhī

mai judā abr judā sāqī-o-mai-ḳhvār judā

fasl-e-gul qaid-e-qafas āñkhoñ kā bharnā un par

chhā.ī hai kaalī ghaTā aur hai gulzār judā

koī bargashta rahe baiTh rahe apne ghar

apnī mahfil hai judā dost-o-ġham-ḳhvār judā

aap ke ḳhulq se 'dīvān' sabhī yakjā haiñ

varna landan meñ to rahte rahe fankār judā

ye ġhazal vo hai ki 'dīvān' hameñ kahnā paḌā

tarz apnī hai alag apne haiñ ash.ār judā

apna mear juda apna hai kirdar juda

apna saqi hai juda saghar-o-mai-KHwar juda

baKHt apna hai juda apna hai dildar juda

shoKH nazren hain alag abru-e-KHamdar juda

main zamane se juda kucha-o-bazar juda

mera andaz anokha meri raftar juda

bazm mein main bhi raqibon ko jagah deta hun

jis tarah gul se kabhi ho na sake KHar juda

aisi barsat ki rut hum ne na dekhi thi kabhi

mai juda abr juda saqi-o-mai-KHwar juda

fasl-e-gul qaid-e-qafas aankhon ka bharna un par

chhai hai kali ghaTa aur hai gulzar juda

koi bargashta rahe baiTh rahe apne ghar

apni mahfil hai juda dost-o-gham-KHwar juda

aap ke KHulq se 'diwan' sabhi yakja hain

warna landan mein to rahte rahe fankar juda

ye ghazal wo hai ki 'diwan' hamein kahna paDa

tarz apni hai alag apne hain ashaar juda