auj-e-kamal-e-sher hai hamd-o-sana-giri

auj-e-kamāl-e-sher hai hamd-o-sanā-girī

mujh ko sikhā ga.ī hai yahī kuchh suḳhanvarī

is daur-e-fitna-gar meñ mirī ek baat sun

sab kuchh hai sulh hech hai ye jang-o-dāvarī

lashkar kī fikr taaj kā saudā hai shaah ko

darvesh sirf tālib-e-kunj-e-qalandarī

ruḳh par jo hai ġhubār-e-qanā.at ise na dho

behtar nahīñ hai is se koī kīmiyā-garī

bāzār-e-jāñ meñ shaukat-e-shāhāñ kā zikr kyā

darbār meñ to shart hai iz.hār-e-chākarī

ai dost ek nukta batā.ūñ tujhe ki hai

iqrār-e-bandagī meñ nihāñ rāz-e-sarvarī

'āzād' ashk-hā-e-farāvāñ kī qadr kar

ashkoñ ke nam se hai tirī kisht-e-suḳhanvarī

auj-e-kamal-e-sher hai hamd-o-sana-giri

mujh ko sikha gai hai yahi kuchh suKHanwari

is daur-e-fitna-gar mein meri ek baat sun

sab kuchh hai sulh hech hai ye jang-o-dawari

lashkar ki fikr taj ka sauda hai shah ko

darwesh sirf talib-e-kunj-e-qalandari

ruKH par jo hai ghubar-e-qanaat ise na dho

behtar nahin hai is se koi kimiya-gari

bazar-e-jaan mein shaukat-e-shahan ka zikr kya

darbar mein to shart hai izhaar-e-chaakari

ai dost ek nukta bataun tujhe ki hai

iqrar-e-bandagi mein nihan raaz-e-sarwari

'azad' ashk-ha-e-farawan ki qadr kar

ashkon ke nam se hai teri kisht-e-suKHanwari