bazar-e-zindagani mein saman ki tarah

bāzār-e-zindagānī meñ sāmān kī tarah

maiñ bik rahā huuñ yūsuf-e-kan.ān kī tarah

jaadū kisī kā mujh pe asar kar na pā.egā

pahnā hai tujh ko naqsh-e-sulaimān kī tarah

aa dekh tere hijr ne kyā haal kar diyā

siina hai merā chaak garebān kī tarah

ālām-e-rozgār meñ uljhī hai zindagī

jānāñ tumhārī zulf-e-pareshān kī tarah

murjhā ga.e haiñ saare tamannāoñ ke gulāb

kHālī paḌā huā huuñ maiñ guldān kī tarah

barsoñ kī āshnā.ī ko yaksar bhulā diyā

pesh aa rahā hai vo kisī anjān kī tarah

dil kī zamīñ pe yādoñ ne ḳhema lagā liyā

baiThā hai terā hijr bhī darbān kī tarah

jaise kisī faqīr ko sadqa diyā gayā

tum ne kiyā hai pyaar bhī ehsān kī tarah

'sāgar' ko maut aa ga.ī marne se peshtar

niklā hai mere jism se tū jaan kī tarah

bazar-e-zindagani mein saman ki tarah

main bik raha hun yusuf-e-kanan ki tarah

jadu kisi ka mujh pe asar kar na paega

pahna hai tujh ko naqsh-e-sulaiman ki tarah

aa dekh tere hijr ne kya haal kar diya

sina hai mera chaak gareban ki tarah

aalam-e-rozgar mein uljhi hai zindagi

jaanan tumhaari zulf-e-pareshan ki tarah

murjha gae hain sare tamannaon ke gulab

kHali paDa hua hun main guldan ki tarah

barson ki aashnai ko yaksar bhula diya

pesh aa raha hai wo kisi anjaan ki tarah

dil ki zamin pe yaadon ne KHema laga liya

baiTha hai tera hijr bhi darban ki tarah

jaise kisi faqir ko sadqa diya gaya

tum ne kiya hai pyar bhi ehsan ki tarah

'sagar' ko maut aa gai marne se peshtar

nikla hai mere jism se tu jaan ki tarah