bad-nasibi ki suli pe nind aa gai KHwab dekha magar KHwab ne kya diya

bad-nasībī kī suulī pe niiñd aa ga.ī ḳhvāb dekhā magar ḳhvāb ne kyā diyā

ḳhush-gumānī kī ḳhush-rang qindīl ne nā-murādoñ ko sahrā meñ bhaTkā diyā

shāmiyāne meñ dariyāñ lapeTī ga.iiñ dost uThne lage kuchh ne kandhā diyā

bain karte huī aurteñ haT ga.iiñ aur mere janāze ko rasta diyā

do ghaḌī meñ mirī asr Dhaltī huī uTh ke maġhrib kī dīvār se jā lagī

aur mādūm hote hue chāñd ne aah bhartī huī shab ko pursa diyā

maiñ tavaqquf ke kone meñ gosha-nashīñ 'mīr' sāhib kī tasvīr taktā rahā

shabd parde ke pīchhe se zāhir hue sher ne jhuk ke hāthoñ ko bosa diyā

āsmānī sahīfoñ kī tārīḳh hai nā-shanāsoñ meñ haadī satā.e ga.e

pāk-bāzoñ pe tohmat lagā.ī ga.ī pārsāoñ ko duniyā ne dhoka diyā

jab zamāne ke hāthoñ satā.e hue chand sādāt multān meñ bas ga.e

maa.ī dhartī ne māthoñ kī tāzīm kī shāh-e-dariyā ne talvoñ ko bosa diyā

yaar ‘ahmad-jahāñgīr' jiite raho shahr meñ ḳhair-maqdam kā hangām thā

vaah barbat ko sahrā meñ pheñk aa.e ho aur mash.al ko miTTī meñ dafnā diyā

bad-nasibi ki suli pe nind aa gai KHwab dekha magar KHwab ne kya diya

KHush-gumani ki KHush-rang qindil ne na-muradon ko sahra mein bhaTka diya

shamiyane mein dariyan lapeTi gain dost uThne lage kuchh ne kandha diya

bain karte hui aurten haT gain aur mere janaze ko rasta diya

do ghaDi mein meri asr Dhalti hui uTh ke maghrib ki diwar se ja lagi

aur madum hote hue chand ne aah bharti hui shab ko pursa diya

main tawaqquf ke kone mein gosha-nashin 'mir' sahib ki taswir takta raha

shabd parde ke pichhe se zahir hue sher ne jhuk ke hathon ko bosa diya

aasmani sahifon ki tariKH hai na-shanason mein hadi satae gae

pak-bazon pe tohmat lagai gai parsaon ko duniya ne dhoka diya

jab zamane ke hathon satae hue chand sadat multan mein bas gae

mai dharti ne mathon ki tazim ki shah-e-dariya ne talwon ko bosa diya

yar ‘ahmad-jahangir' jite raho shahr mein KHair-maqdam ka hangam tha

wah barbat ko sahra mein phenk aae ho aur mashal ko miTTi mein dafna diya