baDe buzurgon ka hum ehtiram karte hain

baḌe buzurgoñ kā ham ehtirām karte haiñ

safed riish ko jhuk kar salām karte haiñ

sajā.e rakhte haiñ ik mahfil-e-‘azā mujh meñ

vo log jo mire dil meñ qiyām karte haiñ

maiñ un ko dost samajhtā thā aaj tak kyūñkar

jo dushmanī ko shab-o-roz 'aam karte haiñ

maiñ un faqīroñ kī hālat samajh nahīñ sakā huuñ jo

halāl chīzoñ ko ḳhud par harām karte haiñ

ḳhamoshī un ko basar kar nahīñ sakegī kabhī

vo ḳhush-kalām jo ḳhud se kalām karte haiñ

guzārte haiñ ye din dhuup meñ jabhī 'jur.at'

ham ek peḌ ke saa.e meñ shaam karte haiñ

baDe buzurgon ka hum ehtiram karte hain

safed rish ko jhuk kar salam karte hain

sajae rakhte hain ek mahfil-e-‘aza mujh mein

wo log jo mere dil mein qiyam karte hain

main un ko dost samajhta tha aaj tak kyunkar

jo dushmani ko shab-o-roz 'am karte hain

main un faqiron ki haalat samajh nahin saka hun jo

halal chizon ko KHud par haram karte hain

KHamoshi un ko basar kar nahin sakegi kabhi

wo KHush-kalam jo KHud se kalam karte hain

guzarte hain ye din dhup mein jabhi 'jurat'

hum ek peD ke sae mein sham karte hain