baDi gudaz pashemaniyon pe zinda rahe

baḌī gudāz pashemāniyoñ pe zinda rahe

ham apne ḳhvāb kī vīrāniyoñ pe zinda rahe

unheñ lagā thā ki ye log maare jā.eñge

sunahre log hare pāniyoñ pe zinda rahe

sukūn bāñTne vaale ne mere haq meñ kahā

use kaho ki pareshāniyoñ pe zinda rahe

tum us ke hoñT-piyāle ke zā.iqe pe mare

ham us kī aañkh kī hairāniyoñ pe zinda rahe

baDi gudaz pashemaniyon pe zinda rahe

hum apne KHwab ki viraniyon pe zinda rahe

unhen laga tha ki ye log mare jaenge

sunahre log hare paniyon pe zinda rahe

sukun banTne wale ne mere haq mein kaha

use kaho ki pareshaniyon pe zinda rahe

tum us ke honT-piyale ke zaiqe pe mare

hum us ki aankh ki hairaniyon pe zinda rahe