be-wajh nahin gard pareshan pas-e-mahmil

be-vaj.h nahīñ gard pareshāñ pas-e-mahmil

aatā hai koī be-sar-o-sāmāñ pas-e-mahmil

az-bas kashish-e-ishq se āgāh thī lailā

thī dekhtī vo fitna-e-daurāñ pas-e-mahmil

kis soḳhta kī ḳhaak se uTThā hai bagūlā

ik sho.ala-e-javvāla hai pechāñ pas-e-mahmil

fikr-e-qadam-e-nāqa huā qais ko paidā

dekhā jo haiñ sahrā-e-muġhīlāñ pas-e-mahmil

ai nāqa-kash itnī bhī na tū tez-ravī kar

majnūñ zi-ḳhud-o-rafta hai nālāñ pas-e-mahmil

shāyad maiñ use dekhūñ 'havas' bā-lab-e-ḳhandāñ

jaatā huuñ is ummīd pe giryāñ pas-e-mahmil

be-wajh nahin gard pareshan pas-e-mahmil

aata hai koi be-sar-o-saman pas-e-mahmil

az-bas kashish-e-ishq se aagah thi laila

thi dekhti wo fitna-e-dauran pas-e-mahmil

kis soKHta ki KHak se uTTha hai bagula

ek shoala-e-jawwala hai pechan pas-e-mahmil

fikr-e-qadam-e-naqa hua qais ko paida

dekha jo hain sahra-e-mughilan pas-e-mahmil

ai naqa-kash itni bhi na tu tez-rawi kar

majnun zi-KHud-o-rafta hai nalan pas-e-mahmil

shayad main use dekhun 'hawas' ba-lab-e-KHandan

jata hun is ummid pe giryan pas-e-mahmil