bhule hue hain sab ki hai kar-e-jahan bahut

bhūle hue haiñ sab ki hai kār-e-jahāñ bahut

lekin vo ek yaad hai dil par garāñ bahut

kuchh raftagāñ ke ġham ne bhī rakkhā hameñ niDhāl

kuchh sadma-hā-e-nau se rahe nīm-jāñ bahut

ham ko na zulf-e-yār na dīvār se ġharaz

ham ko to yād-e-yār kī parchhā.iyāñ bahut

vo sard-mehriyāñ ki hameñ raakh kar ga.iiñ

sunte haiñ pahle ham bhī the ātish-ba-jāñ bahut

ik mauj-e-fitna-sar ki ravāñ har nafas meñ hai

har dam yaqīñ se pahle uThe haiñ gumāñ bahut

ab ke junūñ meñ mauj-e-sabā kā bhī haath hai

mauj-e-sabā ki ab ke uThī sargirāñ bahut

ab ye ḳhabar nahīñ vo samundar hai yā sarāb

apne yahāñ hai tishnagī-e-jism-o-jāñ bahut

sahrā se varna apnā ilāqa nahīñ hai kuchh

āshuftagī-e-sar kī havā hai yahāñ bahut

bhule hue hain sab ki hai kar-e-jahan bahut

lekin wo ek yaad hai dil par garan bahut

kuchh raftagan ke gham ne bhi rakkha hamein niDhaal

kuchh sadma-ha-e-nau se rahe nim-jaan bahut

hum ko na zulf-e-yar na diwar se gharaz

hum ko to yaad-e-yar ki parchhaiyan bahut

wo sard-mehriyan ki hamein rakh kar gain

sunte hain pahle hum bhi the aatish-ba-jaan bahut

ek mauj-e-fitna-sar ki rawan har nafas mein hai

har dam yaqin se pahle uThe hain guman bahut

ab ke junun mein mauj-e-saba ka bhi hath hai

mauj-e-saba ki ab ke uThi sargiran bahut

ab ye KHabar nahin wo samundar hai ya sarab

apne yahan hai tishnagi-e-jism-o-jaan bahut

sahra se warna apna ilaqa nahin hai kuchh

aashuftagi-e-sar ki hawa hai yahan bahut