chah ke uljhe hue rishte ko suljhane chale

chaah ke uljhe hue rishte ko suljhāne chale

uljhaneñ had se baḌhīñ to dil ko bahkāne chale

pī gayā tishna-dahānī meñ ḳhudā jaane maiñ kyā

kyoñ rasīlī aañkh se vo aag bhaḌkāne chale

aa.ina jauhar se ḳhālī ho to ā.īna nahīñ

is Dhale chehre pe kyā tum husn chamkāne chale

sarguzisht apne fasāne kī kahūñ kyā ai nadīm

munsifī phir uTh ga.ī jab ḳhud vo samjhāne chale

mo.ajiza is mājrā-e-dil kā ab to maan lo

sab hue mushtāq jab ham kah ke afsāne chale

ġham ho yā rāhat kisī se dil bahaltā hī nahīñ

jab na kuchh bhī ban paḌī to ḳhud ko phuslāne chale

raah meñ kāñTe bichhā.e the jinhoñ ne aaj kyoñ

baaġh meñ dekhā to hañs kar phuul barsāne chale

rāz-e-dil kuchh pā ga.e 'dīvān' sāhib varna to

kis ḳhushī meñ vo hamāre ranj-o-ġham khāne chale

chah ke uljhe hue rishte ko suljhane chale

uljhanen had se baDhin to dil ko bahkane chale

pi gaya tishna-dahani mein KHuda jaane main kya

kyon rasili aankh se wo aag bhaDkane chale

aaina jauhar se KHali ho to aaina nahin

is Dhale chehre pe kya tum husn chamkane chale

sarguzisht apne fasane ki kahun kya ai nadim

munsifi phir uTh gai jab KHud wo samjhane chale

moajiza is majra-e-dil ka ab to man lo

sab hue mushtaq jab hum kah ke afsane chale

gham ho ya rahat kisi se dil bahalta hi nahin

jab na kuchh bhi ban paDi to KHud ko phuslane chale

rah mein kanTe bichhae the jinhon ne aaj kyon

bagh mein dekha to hans kar phul barsane chale

raaz-e-dil kuchh pa gae 'diwan' sahib warna to

kis KHushi mein wo hamare ranj-o-gham khane chale