chali mastanon ki Toli ki ab mausam badalta hai

chalī mastānoñ kī Tolī ki ab mausam badaltā hai

hai rangoñ se bharī jholī ki ab mausam badaltā hai

chaman meñ shor-o-ġhul hai aur rangoñ kī haiñ barsāteñ

biraj meñ aaj hai horī ki ab mausam badaltā hai

sadā koyal kī jab aa.e shajar pe baur bhar aa.e

mahak uThtī hai amrā.ī ki ab mausam badaltā hai

bichhaune lag ga.e chhat par sitāre 'arsh par chhā.e

surāhī bhī bharī rakkhī ki ab mausam badaltā hai

ghaTā vaadī pe ghir aatī havā meñ tāzgī laatī

papīhe ne sadā de dī ki ab mausam badaltā hai

koī bijlī kahīñ chamkī koī badrī kahīñ barsī

suhānī shaam sāvan kī ki ab mausam badaltā hai

paḌī jo buuñd bārish kī to soñdhī miTTī mahkī yuuñ

chaman mahkā kalī chaTkī ki ab mausam badaltā hai

chalī aatī haiñ sub.heñ ab gulābī oḌhnī pahne

sajī phūloñ se hai dhartī ki ab mausam badaltā hai

sitāre muskurāte haiñ falak pe jhilmilāte haiñ

havā meñ ḳhunkī hai thoḌī ki ab mausam badaltā hai

kabhī jab shaam Dhal jaa.e havā jab sard ho jaa.e

bharī ho chaa.e kī pyālī ki ab mausam badaltā hai

umangeñ aur javāñ rāteñ kabhī sho'la kabhī shabnam

pa ab zulfoñ meñ hai chāñdī ki ab mausam badaltā hai

vahī gul thā vahī ḳhushbū magar gulshan banā dushman

ḳhizāñ aa.ī chalī āñdhī ki ab mausam badaltā hai

dhanak ke rang bikhrā do mohabbat jaag jā.egī

zamāne ko sikhā degī ki ab mausam badaltā hai

diloñ meñ qaid the tanhā ye mausam chāhatoñ ke sab

mohabbat ne sadā de dī ki ab mausam badaltā hai

guloñ se rang-o-bū chun kar sajā le zindagī 'resham'

mahaktī raat kī raanī ki ab mausam badaltā hai

chali mastanon ki Toli ki ab mausam badalta hai

hai rangon se bhari jholi ki ab mausam badalta hai

chaman mein shor-o-ghul hai aur rangon ki hain barsaten

biraj mein aaj hai hori ki ab mausam badalta hai

sada koyal ki jab aae shajar pe baur bhar aae

mahak uThti hai amrai ki ab mausam badalta hai

bichhaune lag gae chhat par sitare 'arsh par chhae

surahi bhi bhari rakkhi ki ab mausam badalta hai

ghaTa wadi pe ghir aati hawa mein tazgi lati

papihe ne sada de di ki ab mausam badalta hai

koi bijli kahin chamki koi badri kahin barsi

suhani sham sawan ki ki ab mausam badalta hai

paDi jo bund barish ki to sondhi miTTi mahki yun

chaman mahka kali chaTki ki ab mausam badalta hai

chali aati hain subhen ab gulabi oDhni pahne

saji phulon se hai dharti ki ab mausam badalta hai

sitare muskuraate hain falak pe jhilmilate hain

hawa mein KHunki hai thoDi ki ab mausam badalta hai

kabhi jab sham Dhal jae hawa jab sard ho jae

bhari ho chae ki pyali ki ab mausam badalta hai

umangen aur jawan raaten kabhi sho'la kabhi shabnam

pa ab zulfon mein hai chandi ki ab mausam badalta hai

wahi gul tha wahi KHushbu magar gulshan bana dushman

KHizan aai chali aandhi ki ab mausam badalta hai

dhanak ke rang bikhra do mohabbat jag jaegi

zamane ko sikha degi ki ab mausam badalta hai

dilon mein qaid the tanha ye mausam chahaton ke sab

mohabbat ne sada de di ki ab mausam badalta hai

gulon se rang-o-bu chun kar saja le zindagi 'resham'

mahakti raat ki rani ki ab mausam badalta hai