chhoDiye daghon ko aaina badal kar dekhen

chhoḌiye dāġhoñ ko ā.īna badal kar dekheñ

aao ab aur nayā chehra badal kar dekheñ

aap batlā.iye ki kitnā badal kar dekheñ

kho deñ pahchān hī kyā itnā badal kar dekheñ

vo ye kahtā hai ki qismat meñ tirī pyaar nahīñ

dil ye kahtā hai ki ab totā badal kar dekheñ

narm lahje meñ use dekh liyā samjhā kar

aao ab ham bhī zarā lahja badal kar dekheñ

kitnā badle haiñ tujhe paane kī ummīd meñ ham

kyā kamī rah ga.ī aur kitnā badal kar dekheñ

dost ahbāb nazar ab nahīñ aate mere

aisā lagtā hai unheñ chashma badal kar dekheñ

Thokareñ khā liye ab thoḌā sañbhal jaate haiñ

aao 'ātif' ki chalo rastā badal kar dekheñ

chhoDiye daghon ko aaina badal kar dekhen

aao ab aur naya chehra badal kar dekhen

aap batlaiye ki kitna badal kar dekhen

kho den pahchan hi kya itna badal kar dekhen

wo ye kahta hai ki qismat mein teri pyar nahin

dil ye kahta hai ki ab tota badal kar dekhen

narm lahje mein use dekh liya samjha kar

aao ab hum bhi zara lahja badal kar dekhen

kitna badle hain tujhe pane ki ummid mein hum

kya kami rah gai aur kitna badal kar dekhen

dost ahbab nazar ab nahin aate mere

aisa lagta hai unhen chashma badal kar dekhen

Thokaren kha liye ab thoDa sanbhal jate hain

aao 'atif' ki chalo rasta badal kar dekhen