dil bahalne ki rah karta hun

dil bahalne kī raah kartā huuñ

jo na karnā ho aah kartā huuñ

e.atibār-e-nigāh kartā huuñ

ye agar hai gunāh kartā huuñ

ek but se nibāh kartā huuñ

dil kī duniyā tabāh kartā huuñ

husn-e-sarmad kī chaah kartā huuñ

āsmāñ par nigāh kartā huuñ

e.atibār-e-nigāh kartā huuñ

kitnā mauzūñ gunāh kartā huuñ

soz-e-ġham se nibāh kartā huuñ

be-ḳhudī ko gavāh kartā huuñ

mai-parastī savāb hai zāhid

ye agar hai gunāh kartā huuñ

kaun hotā hai is tarah maa.il

tum hasīñ ho nigāh kartā huuñ

terī rahmat kā aasrā le kar

har safed-o-siyāh kartā huuñ

'shād' rakhne ke aap zāmin haiñ

fikr maiñ ḳhvāh-maḳhvāh kartā huuñ

dil bahalne ki rah karta hun

jo na karna ho aah karta hun

eatibar-e-nigah karta hun

ye agar hai gunah karta hun

ek but se nibah karta hun

dil ki duniya tabah karta hun

husn-e-sarmad ki chah karta hun

aasman par nigah karta hun

eatibar-e-nigah karta hun

kitna mauzun gunah karta hun

soz-e-gham se nibah karta hun

be-KHudi ko gawah karta hun

mai-parasti sawab hai zahid

ye agar hai gunah karta hun

kaun hota hai is tarah mail

tum hasin ho nigah karta hun

teri rahmat ka aasra le kar

har safed-o-siyah karta hun

'shad' rakhne ke aap zamin hain

fikr main KHwah-maKHwah karta hun