dil hai ki hamein phir se udhar le ke chala hai

dil hai ki hameñ phir se udhar le ke chalā hai

ummīd se phir rishta-e-jāñ bāñdh liyā hai

aahaT pe na chauñko ki na aa.egī yahāñ maut

dastak pe na jaao ki ye āvāra huā hai

ab sañg mudāvā nahīñ āshufta-sarī kā

yaañ sañg se bhī phoḌ ke sar dekh liyā hai

kyā kījiye har kāvish-e-darmāñ huī mahdūd

har jāda-e-imkāñ hai ki masdūd huā hai

zinda haiñ bahar-taur ki marnā nahīñ bas meñ

tā-umr hamāre liye jiine kī sazā hai

ai dil kabhī patthar bhī kahīñ mom hue haiñ

jo ḳhvāb meñ dekhā hai kahīñ sach bhī huā hai

dil hai ki hamein phir se udhar le ke chala hai

ummid se phir rishta-e-jaan bandh liya hai

aahaT pe na chaunko ki na aaegi yahan maut

dastak pe na jao ki ye aawara hua hai

ab sang mudawa nahin aashufta-sari ka

yan sang se bhi phoD ke sar dekh liya hai

kya kijiye har kawish-e-darman hui mahdud

har jada-e-imkan hai ki masdud hua hai

zinda hain bahar-taur ki marna nahin bas mein

ta-umr hamare liye jine ki saza hai

ai dil kabhi patthar bhi kahin mom hue hain

jo KHwab mein dekha hai kahin sach bhi hua hai