dil ke nagar mein chaar taraf jab gham ki duhai baiTh gai

dil ke nagar meñ chaar taraf jab ġham kī duhā.ī baiTh ga.ī

sar pe hamāre dast-e-qazā se teġh-e-judā.ī baiTh ga.ī

ham haiñ faqīr allāh ke yaaro phir is kā hai parekhā kyā

gar ham paas bhī aa kar koī bahnī maa.ī baiTh ga.ī

sun ke adā-e-ġham kī tere sabr-o-shakeb haiñ bhāgne par

paañv Thaharne mushkil haiñ jab dhaak parā.ī baiTh ga.ī

ai dil us bāñkīt se hargiz shuġhl na kar tū lakḌī kā

haath qalam hai phir terā gar ek bhī ghaa.ī baiTh ga.ī

teġh-e-jafā lī myaan se apne jab us jaan ke dushman ne

sar ko jhukā kar apne apne, saarī ḳhudā.ī baiTh ga.ī

'mus.hafī' kyā pūchhe hai divāne haal safā-e-dil kā mire

thā to ye ā.īna raushan par ab kaa.ī baiTh ga.ī

dil ke nagar mein chaar taraf jab gham ki duhai baiTh gai

sar pe hamare dast-e-qaza se tegh-e-judai baiTh gai

hum hain faqir allah ke yaro phir is ka hai parekha kya

gar hum pas bhi aa kar koi bahni mai baiTh gai

sun ke ada-e-gham ki tere sabr-o-shakeb hain bhagne par

panw Thaharne mushkil hain jab dhak parai baiTh gai

ai dil us bankit se hargiz shughl na kar tu lakDi ka

hath qalam hai phir tera gar ek bhi ghai baiTh gai

tegh-e-jafa li myan se apne jab us jaan ke dushman ne

sar ko jhuka kar apne apne, sari KHudai baiTh gai

'mushafi' kya puchhe hai diwane haal safa-e-dil ka mere

tha to ye aaina raushan par ab kai baiTh gai