dil pe kaisa ghubar rahta hai

dil pe kaisā ġhubār rahtā hai

har ghaḌī be-qarār rahtā hai

chashm-e-mai-bār ke tasavvur se

halkā halkā ḳhumār rahtā hai

saath un kā nahīñ nasīb mirā

phir bhī kyoñ intizār rahtā hai

apne hisse se baḌh ke pā kar bhī

ḳhvāhishoñ kā shumār rahtā hai

muskurā deñ to saare gulshan meñ

mausam-e-dil-bahār rahtā hai

āsmāñ un ke ek aañsū par

muddatoñ ashk-bār rahtā hai

sāmne jin ke lab nahīñ khulte

dil unhī par nisār rahtā hai

jism lāġhar ho chāhe jitnā bhī

phir bhī joban pe pyaar rahtā hai

jiit paatā hai rāhvār magar

surḳh-rū shahsavār rahtā hai

phuul rahtā hai phuul hī har jā

ḳhaar har jā hī ḳhaar rahtā hai

saath pyāroñ kā ho agar 'shāhīn'

zindagī se bhī pyaar rahtā hai

dil pe kaisa ghubar rahta hai

har ghaDi be-qarar rahta hai

chashm-e-mai-bar ke tasawwur se

halka halka KHumar rahta hai

sath un ka nahin nasib mera

phir bhi kyon intizar rahta hai

apne hisse se baDh ke pa kar bhi

KHwahishon ka shumar rahta hai

muskura den to sare gulshan mein

mausam-e-dil-bahaar rahta hai

aasman un ke ek aansu par

muddaton ashk-bar rahta hai

samne jin ke lab nahin khulte

dil unhi par nisar rahta hai

jism laghar ho chahe jitna bhi

phir bhi joban pe pyar rahta hai

jit pata hai rahwar magar

surKH-ru shahsawar rahta hai

phul rahta hai phul hi har ja

KHar har ja hi KHar rahta hai

sath pyaron ka ho agar 'shahin'

zindagi se bhi pyar rahta hai