girna nahin hai aur sambhalna nahin hai ab
girnā nahīñ hai aur sambhalnā nahīñ hai ab
baiThe haiñ rahguzār pe chalnā nahīñ hai ab
pichhlā pahar hai shab kā savere kī ḳhair ho
bujhte hue charāġh haiñ jalnā nahīñ hai ab
hai āstīñ se kaam na dāman se kuchh ġharaz
patthar bane hue haiñ pighalnā nahīñ hai ab
manzar Thahar gayā hai koī dil meñ aan kar
duniyā ke saath us ko badalnā nahīñ hai ab
lab-āshnā-e-harf-e-tabassum nahīñ rahe
dil ke lahū ko ashk meñ Dhalnā nahīñ hai ab
girna nahin hai aur sambhalna nahin hai ab
baiThe hain rahguzar pe chalna nahin hai ab
pichhla pahar hai shab ka sawere ki KHair ho
bujhte hue charagh hain jalna nahin hai ab
hai aastin se kaam na daman se kuchh gharaz
patthar bane hue hain pighalna nahin hai ab
manzar Thahar gaya hai koi dil mein aan kar
duniya ke sath us ko badalna nahin hai ab
lab-ashna-e-harf-e-tabassum nahin rahe
dil ke lahu ko ashk mein Dhalna nahin hai ab
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
