har taraf rangin faza hai chand bhi pur-nur hai

har taraf rangīñ fazā hai chāñd bhī pur-nūr hai

terī aamad kī ḳhabar se dil bahut masrūr hai

tere maiḳhāne kā saaqī ye 'ajab dastūr hai

koī tishna-lab hai mahfil meñ koī maḳhmūr hai

'aib kyā pinhāñ haiñ is meñ ye kisī ko kyā ḳhabar

apne apne husn par har aadmī maġhrūr hai

kitnā sachchā hai ye ahl-e-dānish-o-bīnish kā qaul

aadmī āzād ho kar bhī baḌā majbūr hai

'aam insāñ us se vāqif hī nahīñ to is se kyā

halqa-e-she'r-o-adab meñ vo bahut mash.hūr hai

dil ko kar lo pahle iḳhlās-o-muravvat-āshnā

phir tumhārā faisla har shaḳhs ko manzūr hai

har ghaḌī rahtā hai 'nāzir' tere dar ke ās-pās

kaun kahtā hai mirā ghar tere ghar se duur hai

har taraf rangin faza hai chand bhi pur-nur hai

teri aamad ki KHabar se dil bahut masrur hai

tere maiKHane ka saqi ye 'ajab dastur hai

koi tishna-lab hai mahfil mein koi maKHmur hai

'aib kya pinhan hain is mein ye kisi ko kya KHabar

apne apne husn par har aadmi maghrur hai

kitna sachcha hai ye ahl-e-danish-o-binish ka qaul

aadmi aazad ho kar bhi baDa majbur hai

'am insan us se waqif hi nahin to is se kya

halqa-e-she'r-o-adab mein wo bahut mashhur hai

dil ko kar lo pahle iKHlas-o-murawwat-ashna

phir tumhaara faisla har shaKHs ko manzur hai

har ghaDi rahta hai 'nazir' tere dar ke aas-pas

kaun kahta hai mera ghar tere ghar se dur hai