hijr ke sab gham sahenge ajnabi

hijr ke sab ġham saheñge ajnabī

ham bichhaḌ kar phir mileñge ajnabī

ham kareñge yaañ mohabbat be-shumār

shart ye par ham raheñge ajnabī

āshnā hoñ laakh lekin phir bhī ham

ek duuje ko kaheñge ajnabī

'ahd lete haiñ magar is baat par

zāhirī ham ḳhush raheñge ajnabī

phir uThā.eñge na sajde se ye sar

is janam meñ gar mileñge ajnabī

rāste jab apnī manzil hai judā

chal ki vāpas ghar chaleñge ajnabī

samjhe haiñ jo zindagī ko bā-vafā

ik na ik din sab mareñge ajnabī

mat 'mubārak' se rakho ye dostī

chaar bāteñ sab kareñge ajnabī

hijr ke sab gham sahenge ajnabi

hum bichhaD kar phir milenge ajnabi

hum karenge yan mohabbat be-shumar

shart ye par hum rahenge ajnabi

aashna hon lakh lekin phir bhi hum

ek duje ko kahenge ajnabi

'ahd lete hain magar is baat par

zahiri hum KHush rahenge ajnabi

phir uThaenge na sajde se ye sar

is janam mein gar milenge ajnabi

raste jab apni manzil hai juda

chal ki wapas ghar chalenge ajnabi

samjhe hain jo zindagi ko ba-wafa

ek na ek din sab marenge ajnabi

mat 'mubarak' se rakho ye dosti

chaar baaten sab karenge ajnabi