husn-parwar shabab kya kahna

husn-parvar shabāb kyā kahnā

garmī-e-āftāb kyā kahnā

husn aur mahv-e-ḳhvāb kyā kahnā

phir shab-e-māhtāb kyā kahnā

ye shabāb aur ye siyāh naqāb

abr meñ āftāb kyā kahnā

jaise gulshan ko rakh liyā dil meñ

nazar-e-intiḳhāb kyā kahnā

ye chhalakte hue sharāb ke jaam

ye fazā ye sahāb kyā kahnā

tū ne shah dī gunāhgāroñ ko

rahmat-e-be-hisāb kyā kahnā

sar bhī ye ḳham hai rū-ba-rū tere

qāmat-e-lā-javāb kyā kahnā

do-jahāñ par hai eqtidār tirā

dil-e-ḳhāna-ḳharāb kyā kahnā

sham.a jaise kañval meñ ho raushan

aap kā ye hijāb kyā kahnā

husn-parwar shabab kya kahna

garmi-e-aftab kya kahna

husn aur mahw-e-KHwab kya kahna

phir shab-e-mahtab kya kahna

ye shabab aur ye siyah naqab

abr mein aaftab kya kahna

jaise gulshan ko rakh liya dil mein

nazar-e-intiKHab kya kahna

ye chhalakte hue sharab ke jam

ye faza ye sahab kya kahna

tu ne shah di gunahgaron ko

rahmat-e-be-hisab kya kahna

sar bhi ye KHam hai ru-ba-ru tere

qamat-e-la-jawab kya kahna

do-jahan par hai eqtidar tera

dil-e-KHana-KHarab kya kahna

shama jaise kanwal mein ho raushan

aap ka ye hijab kya kahna