ek baat wo ki chah ke munh se ada na ho

ik baat vo ki chaah ke muñh se adā na ho

kahne ko she'r jaise koī qāfiya na ho

ik baat jis kī jur.at-e-iz.hār ho muhāl

ik shāḳh jis pe phuul koī bhī nayā na ho

shā'ir ki jis ko apnā suḳhan bechnā paḌe

aur us ke paas aur koī rāsta na ho

yuuñ ho ki darmiyāñ hoñ bhale ranjisheñ magar

ik dūsre se koī kabhī bhī judā na ho

vahshī havā.eñ aatī hoñ jangal kī samt se

is ghar meñ aur koī darīcha khulā na ho

ik shaam jis meñ Tuut paḌeñ koh-e-ġham ka.ī

ik shahr jis meñ koī bhī ġham-āshnā na ho

ik 'aks māñgtā rahe izn-e-kalām aur

pesh-e-nigāh koī magar aa.ina na ho

ik chīḳh yuuñ ki dil kī fazā mutma.in rahe

lagne ko lag rahā ho pa mahshar bapā na ho

tark-e-anā nahīñ na sahī rāh-e-'ishq meñ

lekin rahe dhiyān ki tark-e-vafā na ho

ik raat pur-tapāk-o-dhanak-rang-o-pur-sharar

ik tāqcha ki jis meñ koī bhī diyā na ho

rahtā ho jāñ-balab koī us kī talāsh meñ

aur 'arsh paar bhī koī us kā ḳhudā na ho

josh-e-qadah se bazm-e-tarab jhuum uThī ho aur

phir us pe ye ki koī bhī naġhma-sarā na ho

vo baat kar ki jis se lahū khaulne lage

vo dard de ki jis kī koī bhī davā na ho

us raah chal ki jis pe kabhī bhī chalā na thā

vo kaam kar jo pahle kabhī bhī kiyā na ho

manzil pukārtī rahe puure tapāk se

chalne kā ab mazīd magar hausla na ho

ho bhī to dil ko bhaa.e na koī ḳhushī 'doraib'

yuuñ bhī ġham-e-hayāt kī ab ibtidā na ho

ek baat wo ki chah ke munh se ada na ho

kahne ko she'r jaise koi qafiya na ho

ek baat jis ki jurat-e-izhaar ho muhaal

ek shaKH jis pe phul koi bhi naya na ho

sha'ir ki jis ko apna suKHan bechna paDe

aur us ke pas aur koi rasta na ho

yun ho ki darmiyan hon bhale ranjishen magar

ek dusre se koi kabhi bhi juda na ho

wahshi hawaen aati hon jangal ki samt se

is ghar mein aur koi daricha khula na ho

ek sham jis mein Tut paDen koh-e-gham kai

ek shahr jis mein koi bhi gham-ashna na ho

ek 'aks mangta rahe izn-e-kalam aur

pesh-e-nigah koi magar aaina na ho

ek chiKH yun ki dil ki faza mutmain rahe

lagne ko lag raha ho pa mahshar bapa na ho

tark-e-ana nahin na sahi rah-e-'ishq mein

lekin rahe dhiyan ki tark-e-wafa na ho

ek raat pur-tapak-o-dhanak-rang-o-pur-sharar

ek taqcha ki jis mein koi bhi diya na ho

rahta ho jaan-balab koi us ki talash mein

aur 'arsh par bhi koi us ka KHuda na ho

josh-e-qadah se bazm-e-tarab jhum uThi ho aur

phir us pe ye ki koi bhi naghma-sara na ho

wo baat kar ki jis se lahu khaulne lage

wo dard de ki jis ki koi bhi dawa na ho

us rah chal ki jis pe kabhi bhi chala na tha

wo kaam kar jo pahle kabhi bhi kiya na ho

manzil pukarti rahe pure tapak se

chalne ka ab mazid magar hausla na ho

ho bhi to dil ko bhae na koi KHushi 'doraib'

yun bhi gham-e-hayat ki ab ibtida na ho