itni fursat nahin us paikar-e-pindar ke pas

itnī fursat nahīñ us paikar-e-pindār ke paas

ban ke aa.e vo masīhā kisī bīmār ke paas

gar yūñhī vahshateñ raqsāñ rahīñ dālānoñ meñ

koī saaya na rahegā kisī dīvār ke paas

roz āñkhoñ ko nayā tarz-e-suḳhan miltā hai

roz jaatā huuñ kisī yār-e-tarah-dār ke paas

fasl-e-ġham dekh ke nam-dīda huā charḳh-e-falak

shāyad āñkheñ hī nahīñ ā.ina-bardār ke paas

merī dīvāngī ḳhvāboñ se baġhal-gīr huī

dasht ābād kiyā jab kisī gulzār ke paas

rañg-o-nik.hat ke ḳhazāne bhī zamīñ-bos hue

chal ke ḳhud aane lagī ḳhushbū ḳharīdār ke paas

ai 'ḳhayāl' apne irādoñ ko tavānā rakkho

muflisī aatī nahīñ hai kisī fankār ke paas

itni fursat nahin us paikar-e-pindar ke pas

ban ke aae wo masiha kisi bimar ke pas

gar yunhi wahshaten raqsan rahin dalanon mein

koi saya na rahega kisi diwar ke pas

roz aankhon ko naya tarz-e-suKHan milta hai

roz jata hun kisi yar-e-tarah-dar ke pas

fasl-e-gham dekh ke nam-dida hua charKH-e-falak

shayad aankhen hi nahin aaina-bardar ke pas

meri diwangi KHwabon se baghal-gir hui

dasht aabaad kiya jab kisi gulzar ke pas

rang-o-nikhat ke KHazane bhi zamin-bos hue

chal ke KHud aane lagi KHushbu KHaridar ke pas

ai 'KHayal' apne iradon ko tawana rakkho

muflisi aati nahin hai kisi fankar ke pas