jagmagate shahr ki tah jagmagati ret hai

jagmagāte shahr kī tah jagmagātī ret hai

āsmānī ḳhvāb haiñ aur kā.enātī ret hai

hai samundar ke laboñ par shādiyānoñ kī sadā

sāhiloñ par apnī dhun meñ gungunātī ret hai

uḌte phirte haiñ havā ke saath zarroñ kī tarah

zindagī ke roz-o-shab kī be-sabātī ret hai

ye masāfat tishnagī hai aur maiñ sahrā meñ huuñ

phāñktā paanī huuñ lekin muñh meñ aatī ret hai

is safar meñ bārhā āñkhoñ ne dekhe haiñ sarāb

maujzan paanī kī sūrat jhilmilātī ret hai

ik fasāna likh rahā hai sārbān-e-zindagī

vāqi’ātī qāfile haiñ hādsātī ret hai

jagmagate shahr ki tah jagmagati ret hai

aasmani KHwab hain aur kaenati ret hai

hai samundar ke labon par shadiyanon ki sada

sahilon par apni dhun mein gungunati ret hai

uDte phirte hain hawa ke sath zarron ki tarah

zindagi ke roz-o-shab ki be-sabaati ret hai

ye masafat tishnagi hai aur main sahra mein hun

phankta pani hun lekin munh mein aati ret hai

is safar mein barha aankhon ne dekhe hain sarab

maujzan pani ki surat jhilmilati ret hai

ek fasana likh raha hai sarban-e-zindagi

waqi’ati qafile hain hadsati ret hai