jahan aql ka bhi guzar na ho jahan ishq ka bhi asar na ho

jahāñ 'aql kā bhī guzar na ho jahāñ 'ishq kā bhī asar na ho

mujhe us jagah kī talāsh hai jahāñ ḳhud ko ḳhud kī ḳhabar na ho

ye ravā nahīñ kisī taur bhī use mere dil kī ḳhabar na ho

shab-e-vasl kī jo du'ā karūñ to mirī du'ā meñ asar na ho

maiñ samajh rahī huuñ digar jise vo harīf merā jigar na ho

maiñ farāz-e-dār se dekh luuñ kahīñ kārvān-e-sahar na ho

kahīñ vaqt bhī na ho bad-gumāñ mire zabt kā na le imtihāñ

maiñ girah jo zulf kī khol duuñ to nasīb tujh ko sahar na ho

na zamīñ rahe na to āsmāñ rahe kuchh agar to dhuāñ dhuāñ

mujhe Dar to hai isī baat kā jo ḳhalish idhar hai udhar na ho

vo hayāt-e-nau ke hoñ marhale ki hoñ husn-o-'ishq ke falsafe

hai vo guftugū koī guftugū tire dil pe jis kā asar na ho

yahī sar-bulandī kā raaz hai yahī ‘abdiyat kā ḳharāj hai

mile ‘abdiyat kā sharaf kahāñ tire dar pe gar mirā sar na ho

kahāñ chashm-e-'kausar'-e-nā-tavāñ kahāñ husn kī vo tajalliyāñ

use dekhne kī tū zid na kar kahīñ gul charāġh-e-nazar na ho

jahan 'aql ka bhi guzar na ho jahan 'ishq ka bhi asar na ho

mujhe us jagah ki talash hai jahan KHud ko KHud ki KHabar na ho

ye rawa nahin kisi taur bhi use mere dil ki KHabar na ho

shab-e-wasl ki jo du'a karun to meri du'a mein asar na ho

main samajh rahi hun digar jise wo harif mera jigar na ho

main faraaz-e-dar se dekh lun kahin karwan-e-sahar na ho

kahin waqt bhi na ho bad-guman mere zabt ka na le imtihan

main girah jo zulf ki khol dun to nasib tujh ko sahar na ho

na zamin rahe na to aasman rahe kuchh agar to dhuan dhuan

mujhe Dar to hai isi baat ka jo KHalish idhar hai udhar na ho

wo hayat-e-nau ke hon marhale ki hon husn-o-'ishq ke falsafe

hai wo guftugu koi guftugu tere dil pe jis ka asar na ho

yahi sar-bulandi ka raaz hai yahi ‘abdiyat ka KHaraj hai

mile ‘abdiyat ka sharaf kahan tere dar pe gar mera sar na ho

kahan chashm-e-'kausar'-e-na-tawan kahan husn ki wo tajalliyan

use dekhne ki tu zid na kar kahin gul charagh-e-nazar na ho