jis ghaDi aql ne kuchh hosh mein lana chaha

jis ghaḌī aql ne kuchh hosh meñ laanā chāhā

dil ne dīvāna mujhe aur banānā chāhā

dil se majbūr hue garche bhulānā chāhā

rāz-e-ulfat na chhupā laakh chhupānā chāhā

zahr sī chiiz bhī DhūñDhe se nahīñ hai miltī

maiñ ne ghabrā ke kabhī zahr jo khanā chāhā

ab to jiinā hai bahar-hāl mujhe hīn-e-hayāt

zālim is maut ne kyā kyā na bahānā chāhā

nīchī nazroñ ke salām aa.e musalsal us dam

uTh ke mahfil se kabhī maiñ ne jo jaanā chāhā

baḳhshī fitrat meñ lachak kitnī ḳhudā ne dekho

sar-buland aur huā jis ne girānā chāhā

dard andoh alam aur jame baiThe rahe

shām-e-furqat meñ unheñ jitnā bhagāna chāhā

us kī miTTī huī barbād gayā jaan se vo

jis ne kūche meñ tire aa ke Thikānā chāhā

kaun kahtā hai ki tadbīr se taqdīr bane

na banī ham ne use laakh banānā chāhā

ek ham hī to nahīñ ahl-e-hunar the phir kyoñ

ahl-e-mahfil ne mujhe sadr banānā chāhā

yuuñ bhī fankāroñ meñ 'dīvān' kī izzat hai magar

shā.erī ne use kuchh aur baḌhānā chāhā

jis ghaDi aql ne kuchh hosh mein lana chaha

dil ne diwana mujhe aur banana chaha

dil se majbur hue garche bhulana chaha

raaz-e-ulfat na chhupa lakh chhupana chaha

zahr si chiz bhi DhunDhe se nahin hai milti

main ne ghabra ke kabhi zahr jo khana chaha

ab to jina hai bahar-haal mujhe hin-e-hayat

zalim is maut ne kya kya na bahana chaha

nichi nazron ke salam aae musalsal us dam

uTh ke mahfil se kabhi main ne jo jaana chaha

baKHshi fitrat mein lachak kitni KHuda ne dekho

sar-buland aur hua jis ne girana chaha

dard andoh alam aur jame baiThe rahe

sham-e-furqat mein unhen jitna bhagana chaha

us ki miTTi hui barbaad gaya jaan se wo

jis ne kuche mein tere aa ke Thikana chaha

kaun kahta hai ki tadbir se taqdir bane

na bani hum ne use lakh banana chaha

ek hum hi to nahin ahl-e-hunar the phir kyon

ahl-e-mahfil ne mujhe sadr banana chaha

yun bhi fankaron mein 'diwan' ki izzat hai magar

shaeri ne use kuchh aur baDhana chaha