kahne ko kamre mein sare yakja baiThe hain

kahne ko kamre meñ saare yakjā baiThe haiñ

apne apne mobile par tanhā baiThe haiñ

apne hī ḳhvāboñ ko karke piñjra baiThe haiñ

karne kyā aa.e the lekin kar kyā baiThe haiñ

jaane kis ke haath lagā chehra jo apnā thā

be-matlab kab se le kar ā.īna baiThe haiñ

ek sabaq raTte to haiñ par yaad nahīñ hotā

tifl-e-maktab kab se khole basta baiThe haiñ

phir vīrān shajar par vo hī raunaq lauTī hai

phir vo panchhī vāpas Dāloñ par aa baiThe haiñ

nāhaq aap nikal aa.e dil kī pagDanDī par

ḳhāroñ meñ ab apnā dāman uljhā baiThe haiñ

tanhā.ī vāhid rasta thā tum tak aane kā

duniyā vaale is par bhī duniyā lā baiThe haiñ

ek samundar bhed chhupā.e jazb kare sab ko

aas lagā.e kab se kitne dariyā baiThe haiñ

roz vahī aahaT vo hī sargoshī bhītar se

apne meñ ham apne se hī uktā baiThe haiñ

shaam se pahle lauT ke ghar aane kī ujlat meñ

sīdhā sā rasta rastoñ meñ uljhā baiThe haiñ

kahne ko kamre mein sare yakja baiThe hain

apne apne mobile par tanha baiThe hain

apne hi KHwabon ko karke pinjra baiThe hain

karne kya aae the lekin kar kya baiThe hain

jaane kis ke hath laga chehra jo apna tha

be-matlab kab se le kar aaina baiThe hain

ek sabaq raTte to hain par yaad nahin hota

tifl-e-maktab kab se khole basta baiThe hain

phir viran shajar par wo hi raunaq lauTi hai

phir wo panchhi wapas Dalon par aa baiThe hain

nahaq aap nikal aae dil ki pagDanDi par

KHaron mein ab apna daman uljha baiThe hain

tanhai wahid rasta tha tum tak aane ka

duniya wale is par bhi duniya la baiThe hain

ek samundar bhed chhupae jazb kare sab ko

aas lagae kab se kitne dariya baiThe hain

roz wahi aahaT wo hi sargoshi bhitar se

apne mein hum apne se hi ukta baiThe hain

sham se pahle lauT ke ghar aane ki ujlat mein

sidha sa rasta raston mein uljha baiThe hain