kami kya hai jalwa-e-yar ki wo kahan nahin wo kidhar nahin

kamī kyā hai jalva-e-yār kī vo kahāñ nahīñ vo kidhar nahīñ

yā nahīñ hai zauq-e-nazar yahāñ yā jahāñ meñ ahl-e-nazar nahīñ

ye bhī sach ki tum mire ho chuke ye bhī sach ki dard-e-jigar nahīñ

ġham-e-ishq go nahīñ sāmne ġham-e-zindagī se mafar nahīñ

ye ajiib hai tirā imtihāñ ki mujhī pe girtī haiñ bijliyāñ

tirī bārgāh-e-jalāl meñ mirī chashm-e-tar kā guzar nahīñ

tū idhar to aa tū nazar to aa mirī chashm-e-shauq ko aazmā

mire hausle to buland haiñ go nazar meñ tāb-e-nazar nahīñ

maiñ rahīn-e-dard-o-sitam idhar tū ba.īd-e-lutf-o-karam udhar

jo bhulā sakā na kabhī tujhe ye sitam hai us pe nazar nahīñ

na vo kushtagān-e-sanam rahe na vo mahramān-e-haram rahe

kahāñ chhup ga.e tire āshnā koī aaj garm-e-safar nahīñ

na vo kārvāñ na vo rahguzar na vo āstāñ na vo sang-e-dar

ye pata nahīñ kahāñ aa ga.e kahāñ jā rahe haiñ ḳhabar nahīñ

kami kya hai jalwa-e-yar ki wo kahan nahin wo kidhar nahin

ya nahin hai zauq-e-nazar yahan ya jahan mein ahl-e-nazar nahin

ye bhi sach ki tum mere ho chuke ye bhi sach ki dard-e-jigar nahin

gham-e-ishq go nahin samne gham-e-zindagi se mafar nahin

ye ajib hai tera imtihan ki mujhi pe girti hain bijliyan

teri bargah-e-jalal mein meri chashm-e-tar ka guzar nahin

tu idhar to aa tu nazar to aa meri chashm-e-shauq ko aazma

mere hausle to buland hain go nazar mein tab-e-nazar nahin

main rahin-e-dard-o-sitam idhar tu baid-e-lutf-o-karam udhar

jo bhula saka na kabhi tujhe ye sitam hai us pe nazar nahin

na wo kushtagan-e-sanam rahe na wo mahraman-e-haram rahe

kahan chhup gae tere aashna koi aaj garm-e-safar nahin

na wo karwan na wo rahguzar na wo aastan na wo sang-e-dar

ye pata nahin kahan aa gae kahan ja rahe hain KHabar nahin