kanakhiyon se yun jam par jam dena

kanakhiyoñ se yuuñ jaam par jaam denā

mujhe phir na tum koī ilzām denā

dalīl-e-nigāh-e-marāhim hai ai dil

mujhe jur.at-e-zabt-e-ālām denā

taḌap bhī na uTTheñ machal bhī na jaa.eñ

mire ġham kā yuuñ un ko paiġhām denā

mirī dāstān-e-vafā sunñe vaalo

unheñ be-ruḳhī kā na ilzām denā

vo bār-e-ḳhajālat se gardan jhukā leñ

unheñ koī aisā na paiġhām denā

rahūñ maiñ zamāne ke fitnoñ se ġhāfil

mujhe vo mai-e-fikr-e-āshām denā

maiñ andāza-e-gardish-e-charḳh kar luuñ

zarā jhuum kar tum mujhe jaam denā

rihā ho gayā qaid-e-hastī se koī

unheñ ye naved-e-ḳhush-anjām denā

hai ye qaum kī rahbarī aaj 'bismil'

risāloñ meñ aḳhbāroñ meñ naam denā

kanakhiyon se yun jam par jam dena

mujhe phir na tum koi ilzam dena

dalil-e-nigah-e-marahim hai ai dil

mujhe jurat-e-zabt-e-alam dena

taDap bhi na uTThen machal bhi na jaen

mere gham ka yun un ko paigham dena

meri dastan-e-wafa sunne walo

unhen be-ruKHi ka na ilzam dena

wo bar-e-KHajalat se gardan jhuka len

unhen koi aisa na paigham dena

rahun main zamane ke fitnon se ghafil

mujhe wo mai-e-fikr-e-asham dena

main andaza-e-gardish-e-charKH kar lun

zara jhum kar tum mujhe jam dena

riha ho gaya qaid-e-hasti se koi

unhen ye nawed-e-KHush-anjam dena

hai ye qaum ki rahbari aaj 'bismil'

risalon mein aKHbaron mein nam dena