karb se bharne ko jab aai meri raat ki aankh

karb se bharne ko jab aa.ī mirī raat kī aañkh

ek sūraj ne uThā.ī phir ināyāt kī aañkh

merī har baat se bātoñ kā ziyāñ hotā thā

us kī ḳhāmoshī ne kholī thī mirī baat kī aañkh

muntazir lamhe mere so ga.e girya kar ke

jaane kis roz khule un kī mulāqāt kī aañkh

haa.e un āñkhoñ ke aañsū magar un se bachnā

dekhnā kachche makānoñ pe hai barsāt kī aañkh

jab kabhī hañste hue dikhne kī ḳhvāhish kar luuñ

ghūrne lagtī hai anjāne se ḳhadshāt kī aañkh

jāgne vaale ḳhudā ab to mirī jānib dekh

dekh ab lagne lagī merī munājāt kī aañkh

karb se bharne ko jab aai meri raat ki aankh

ek suraj ne uThai phir inayat ki aankh

meri har baat se baaton ka ziyan hota tha

us ki KHamoshi ne kholi thi meri baat ki aankh

muntazir lamhe mere so gae girya kar ke

jaane kis roz khule un ki mulaqat ki aankh

hae un aankhon ke aansu magar un se bachna

dekhna kachche makanon pe hai barsat ki aankh

jab kabhi hanste hue dikhne ki KHwahish kar lun

ghurne lagti hai anjaane se KHadshat ki aankh

jagne wale KHuda ab to meri jaanib dekh

dekh ab lagne lagi meri munajat ki aankh